Aste honetan lehenengo aldiz historian Euskal Etxe batek HABEko 3. mailako (C1 maila, EGAren berdina) titulua eman dezake. Duela bi urtetik Bartzelonako eta Madrilgo Euskal Etxeetan azterketa ofizialak egiten badira ere, 3. mailako azterketa egiteko Euskal Herrira joan behar zuten ikasleek. Aurten maila hau ere Euskal Etxe horietan egin ahal izan da eta 5 ikasle aurkeztu dira (denak Bartzelonan) horietatik bik idatzizko froga gainditu dutelarik. Gaur izango dute bigarren zatia, horrela historian lehen aldiz titulu hau Euskal Herritik kanpo lortu ahal izango delarik.

 Aukera hau eskaini denetik 11 titulu ofizial gailendu dira Bartzelonako Euskal Etxean, 6 lehen mailan (B1) eta 5 bigarren mailan (B2)

Informazio gehiagorako Helbide elektroniko honek spam bot-en kontrako babesa du. Ikusteko Javascript-a aktibatu behar duzu –era idatzi edo 93.310.22.00 zenbakira deitu (Joseanegatik galdetu).

Guztira,  hiru mila lagunek hartzen dute parte Euskal Herri osoko 60 herri eta eskualdetan martxan dauden Mintzapraktika programetan. Haietako asko ekainaren 6an bildu ziren Arrasaten, Mintza Egunaren bosgarren edizioa ospatu eta ‘ikasturteari’ jai giroko amaiera emateko.

Mintzapraktika programek aisialdia, gozamena eta euskara uztartzen dute, eta, hiru elementuok kontuan hartuta, udan ere mingaina astindu nahi duten mintzalagunentzako aukera berri bat landu dute elkarlanean Topagunea Euskara Elkarteen Federazioak eta EHNE Euskal Herriko Nekazarien Elkarteak.

Hala, uda honetan euskara praktikatu nahi duten mintzalagun edo berbalagunek, Bizkaian (Busturialdean eta Mungialdean) dauden 17 baserritan izango dute horretarako aukera. Baserritarrek giro euskaldunean murgildu eta euskaraz bizitzeko aukera eskainiko dute, baserriko lanetan laguntzearen truke.

Programa uztaila, abuztua eta irailean jarriko da martxan. EHNEk prest du jadanik parte hartuko duten baserri eta baserritarren zerrenda eta, beraz, orain horietan aritzeko gogoa duten mintzalagun edo berbalagunak  bilatzea besterik ez da falta. Boluntario horiek, dohainik eman dezakete izena, eta baserrira bitarteko garraio gastuak ere ordaindu egingo zaizkie.

Mintzapraktika programetan bezalaxe, parte hartzea norberaren aukeren araberakoa da honetan ere: aldi bateko egonaldian, egun zehatzetan, ordukako egutegian, behin, aldiro. Bakoitzak duen parte hartzeko aukeraren arabera, hain zuzen ere. Izan ere, antolatzaileek programan parte hartu nahi duten guztiek horretarako aukera izatea nahi dute, eta hori dela eta proposamena ahalik eta malguena egin nahi izan dute.

Atauri-Joxe Felix Diaz de Tuesta (cc-nc-by-sa)

Argazkia: Atauri-Joxe Felix Diaz de Tuesta (cc-nc-by-sa)

Bilgune Feministak bihar aurkeztuko du Emakumeok Plazara proiektua eta haren webgune berria. Egitasmoaren helburu nagusiak emakume sortzaileei espazioa eskaintzea da, batetik, eta bestetik bilaketa errazak egiteko tresna eskuragarria eskaintzea. Proiektuaren jendaurreko aurkezpena Donostiako Dokan izango da bihar, ekainak 10, 19:30etan. Hona Bilguneko lagunek horren harira bidalitako oharra:

Urte askotan emakumeok oztopo ugari izan ditugu kultur eremuan parte hartzeko. Lanaldi bikoitzak edota guk egindako lanei garrantzia gutxiago eman izanak kultur arloan ere bigarren plano batera zokoratu gaitu. Egoera hau gainditzeko beste pauso txiki bat dugu proiektu hau: Emakumeok Plazara.

emakumeokplazara.org orriak aukera anitzak eskaintzen ditu. Kultur eremuan espazio ugaritan parte hartzen duten emakumeen (antzerkilariak, musikariak, ipuin kontalariak, margolariak, bertsolariak...) baliabide zerrenda izan nahi du. Honela, kultur eragile, festa batzorde, eta abarrek bertara jo ahal izango dute beraien egitarauak osatzeko. Talde eta norbanakoen deskribapen eta kontaktuak eskaintzeaz gain, erakusketa birtualak, agenda eta ikuspegi feministatik kulturari buruz sortutako dokumentuek ere bere espazioa dute.

Baina proiektu hau aurrera eramateko zure laguntza ere behar dugu. Emakumeak bertan apuntatzea guztiz beharrezkoa da zerrenda aberatsa izan dezagun. Horretarako, web orrian sartu eta apuntatzeko fitxa bete edo Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera idatzi besterik ez duzu egin behar. Bete beharreko baldintza bakarra emakumea izan edota apuntatu nahi duzun taldea mistoa izatea da. Ikuspegi feministatik burututako lanek ere badute lekua nahiz eta emakumeak ez izan.

Proiektuaren aurkezpena ekainaren 10ean arratsaldeko 19:30etan Donostiako Doka Kafe Antzokian izango da. Aurkezle bikain eta alai batek zuzenduko du arratseko emanaldi hau. Bertan, Ainbat talde arrasatearra eta Sorkun abeslaria izango ditugu gurekin. Azken honek era akustikoan antolatutako emanaldiarekin alaituko gaitu. Azkenik afari merienda goxo batekin itxiko dugu eguna.

• Aurten 12.690.000 euro: Euskalgintza 1.339.000, Hedabideak 5.725.000, IKT 1.626.000, EBPN 1.800.000, LHT 2.200.000.
• Iaz 13.100.000 euro: Euskalgintza 1.339.000, Hedabideak 5.725.000, IKT 1.626.000, EBPN 1.700.000, LHT 2.710.000.