Abian eskuliburuaren sarrera, aurkibidea eta atal nagusien aurkezpena.

Atal honen helburua euskararen erabilera suspertu nahian lanean ari diren lagunak
oinarri soziolinguistikoetan formatzea da. Haur eta gazteen artean euskararen erabilera sustatzeko aisia tresna gisa erabiltzen den kasuetan, tresna ongi erabilia izan dadin, aisiaz eta soziolinguistikaz oinarrizko formazioa.

Atal honetan aurkituko du eragileak ekimenen azpian dagoen oinarri sendoa eta, bere lana arrazoitzen duen teoria ulertuz, euskararen suspertzaile izateko indarra eta motibaziorako abiapuntua, finean, eguneroko lanerako iparrorratza.

Bigarren atalak plangintza orokor edo estandarrerako proposamena izan nahi du, euskararen erabilera sustatzeko bide luzean hainbat etapa eta esparruren arteko sarea azaltzen duen dokumentua, hain zuzen. 

Atal honetan aisiako jarduera eta ekintzak programatzeko baliabide motak eta gomendio orokorrak bildu dira. Irakurleak bertan aurkituko ditu haur eta gazteen artean euskara sustatzeko aisiako jarduerak, begiralearen funtzioak eta rolak zeintzuk izan behar duten, hezkidetza eta kultura artekotasunaren tratamendurako jarraibide batzuk, euskaraz ekoiztutako materialen berri (jostailuak, web orriak), besteak beste.

Laugarren atalak haur eta gazteekin aurrera eramateko era askotako jarduerak aurkezten ditu. Materiala jarduera-fitxa praktikoez osatu da. Fitxa bakoitzean jarduera antolatzeko oinarrizko informazioa bildu da: jardueraren helburua, antolaketa, baliabideen zerrenda...