Izan ere, 4.800 lagun inguru ari dira, astero astero, mintzalagun programetan parte hartzen, aurreko urtean baino mila gehiago. Egitasmoak egonkortzeaz gain, indarra hartzen ari dira, eta bide horretan aipagarria da Iruñerriko taldeek izan duten partaide gorakada. Lekuan lekuko koordinatzaileen lana eta mintzalagunen aldaera berriak dira arrakasta honen eragile nagusiak. Berbalagunak, gurasolagunak, euskalkilagunak, mendi taldeak... asko dira euskaratik eta euskaraz bizitzeko hautua egin dutenak.

Zu gabe ezin, zatoz eta egin! Mintzalaguna, euskaldunon mundua.

Esan Erran euskaraz emititzen duen irrati bat da. Bere lurraldea, Imotz, Basaburua, Ultzama, Odieta, Anue, Atetz eta Lantz. Herriak sortu zuen eta herriaren lanari eta laguntzari esker iraun du ia hamabost urte. Orain bere emisioa eten behar izan du, langile bat lanik gabe gelditu da eta herritarrek zerbitzu bat galdu dute.

Jendeak jakin behar du ez dela krisi ekonomikoaren beste biktima bat izan, aspaldi hartutako erabaki politiko baten ondorioa baizik; euskarazko proiektuak itotzeko estrategia baten ondorioa. Urte franko dira diru-laguntzak murrizten hasi zirela, eta oraingo honetan erabat desagertu dira, krisiaren aitzakian. Ongi neurtutako erabaki politiko bat izan da.

Eta, herriak jakin dezan, zuri esan behar dizugu Nafarroako Gobernuaren (UPN-PP, PSN) agintari zaren horri, eta zuri ere Ultzamako Udaleko mandatari zaren horri, irratia desagertzea zuek hartutako erabaki politiko baten ondorioa izan dela.Hauxe da zuen hizkuntza politika hiltzailearen leloa: erdarazko proiektuak nafar guztionak dira eta denok ordaindu behar ditugu; euskarazkoak, berriz, soilik euskaldunenak dira, euskaldunek ordain dezatela!

Baina, euskara ez da luxuzko produktu bat, euskara gure hizkuntza da. Nafarrak gara eta euskaraz bizi nahi dugu. Gure nahia eta guztion eskubidea da. Euskarak bizirik irauteko ezinbesteko arnasbideak ditu euskarazko hedabideak. Horregatik, ahaleginak eta bi eginen ditugu Esan Erran lehen baino ozenago eta argiago entzun dadin.

Ametza Kultur Elkartea lantaldeak osatzen ari da Esan Erran ez isiltzeko erabat gutxienez, Pulunpe aldizkariaren funtzionamendua hobetzeko, eta egoera ekonomikoa bideratzen saiatzeko herritarren parte-hartzea bultzatuz eta udal zein kontzejuen inplikazioa bilatuz. Zuen parte-hartzea behar-beharrezkoa dugu nahi duzun lantaldean eta moduan.

Gurekin harremanetan jartzeko: 948 30 51 34, ezubioa[abildua]iparmank.org eta pulunpe[abildua]gmail.com

Euskara eta kultur aniztasuna zaintzea ere ekologiaren alde egitea dela da zabaldu nahi dugun mezu nagusia, eta hari horretatik tiraka Lotu irakaskuntza berdeari manifestua gizarteratu nahi dugu. Honako hau da manifestuaren edukia:

Lotu irakaskuntza berdeari

Matrikula ezazu zure seme-alaba D ereduan.

Eskola eta Ikastola

D eredua etorkizuneko hizkuntzaren transmisorea

Durk Gorter soziologo, ikerlari eta hizkuntza-aniztasunean aditutakoak dio euskarak, komunitate euskaldunak, bizirauteko eta ondorioz gizateriari kolorea eta aniztasuna ematen jarraitzeko aldeko pisuzko arrazoi bat daukala. Izan ere, munduarekin guztiz lotuta dago, eta ezinezkoa da isolaturik gelditzea. Gure ingurua lotunez beteta dago: euskara irakasten da munduko 30 unibertsitate baino gehiagotan; soziolinguistika ikerlarientzat erreferente hurbil eta interesgarrienetako bat da; Interneten presentzia handia dauka, eta Wikipedian, esaterako, 107.000 artikulu baino gehiago ditu, alegia, komunitate grekoak dituenak baino gehiago. Sarean oso gauza interesgarriak egiten ari dira: Facebook-ek, Google-k, Tuenti-k edo Windows-ek euskarazko bertsioa dute, multinazionalek beraiek sustaturikoak, errentagarriak direla ikusi baitute.

D eredua, aukera ekologikoa

Arrazoi asko daude, dudarik gabe, euskarazko irakaskuntzaren alde egiteko. Horietako garrantzitsu bat da mundu ekologikoagoaren aldeko apustu bat dela. Ekologia ez da bakarrik inguruneaz arduratzea; aitzitik, hizkuntza eta kultura aniztasuna zaintzea ere bada. Ekologia hurbilenaren eta aldi berean globalaren alde egitea da. Muturreko egoera batean, adibidez, berdin jokatzen badugu eta okertzen bagara, huts egitea orokorra izango da. Aldizkako aukerak ezinbestekoak dira. Hizkuntzak zaintzea lagungarria da, zalantzarik gabe, herrien arteko elkarrizketa eta bakea ahalbideratzeko. Horixe egiten duzu zure seme-alaba euskarazko ereduan matrikulatzen duzunean.

Euskararekin bere kultura eta afektibitate inguruari lotzen diozu. Eta munduari, berriz. D ereduan egoki eta nahikotasunez ikasiko dituen beste bi hizkuntzekin, ingelera eta gaztelerarekin alegia, eta hautazko beste horiekin (frantsesa, alemanera…).

D eredua hizkuntza-aniztasunerako atea

Euskarazko irakaskuntza komunitate honetan aitzindaria izan da beste hizkuntzen ikasketa txertatzeko orduan. Orain ziurtatu dezakegu D ereduak zure seme-alabari hizkuntza-ingurune anitzean moldatzeko gaitasuna ematen diola txikia denetik. Izan
ere, euskara hizkuntza bizia eta arrunta da gure inguruan, eta hori oso lagungarria izaten da etorkizunean beste hizkuntzak ikastea naturalagoa gerta dakioken.

Asko hitz egiten da ingeleraz jakiteko garrantziaz, eta euskarazko ereduetan horrela egiten da. Ingelera txertatua dute curriculumean. Baina ez dugu ahaztu behar estatu batuarrak txinera ikasten ari direla, merkatu horren potentziala ikusita. Ez dugu ahaztu behar Alemania eta Frantzia Europako motor ekonomikoak direla, eta haiekin lan egiteko beren hizkuntzaz jakitea eskatzen dutela. Modu berean, Japonia munduko hirugarren potentzia ekonomikoa da. Eta krisi garai hauetan gure inguru geografikoan lana aurkitzeko orduan euskaraz jakitea aktibo garrantzitsua da.

Ez izan zalantzarik, etorkizun hurbilago batean alemanera Europako komunikazio hizkuntza bilakatuko balitz, edo txinera mundukoa izango balitz, euskarazko eredua bere curriculumean sartzeko aitzindaria izango litzatekeela, beti izan den moduan. Gure seme-alabek modu natural eta positibo batez bizi behar dute hizkuntza aniztasuna, aipatu hizkuntza guzti horiek jakin edo ez. Eta horixe da, hain zuzen ere, gure apustua: euskararekin hasi, hau baita munduko bere txokoa, hemen euskaraz bizi ahal eta behar delako, hau delako bere ingurunea, hiztun berriekin elika dezakegulako; eta hemendik beste kolore gehiago bat eman mundu jasangarri, justu, solidario eta begirunetsuagoa, hau da, ekologikoagoa egiteko.

Euskaraz ikastea hizkuntza bat ikastea baino gehiago da, munduko hizkuntza eta kultura aniztasunaren aurrean jarrera positiboa, errespetua eta beste hizkuntzekiko interesa bultzatzea eta piztea da. Oso aberasgarri gertatuko zaie gero eta globalagoa
den mundu honetan.

Lotu irakaskuntza berdeari
Sinatzaileak:
EKE
IKASTOLEN ELKARTEA
NETLE
NIZE
SORTZEN IKASBATUAZ
TOPAGUNEA

XXI. mendeko Euskaldunon Elkarteen haur eta gazte esparruaren markoa definitzea du helburu jardunaldiak. Alde batetik, Euskaldunon Elkarteen aisialdi jardueren ezaugarri komunak definitzeko beharra daukagulako. Eta bestetik, gure aisialdiko jardueren bitartez eraginkorragoak izateko.

Haur eta gazte arloa zergatik, zertarako eta nola landu beharko litzateke? Zeintzuk dira gazteen partehartzerako aukerak euskaldunon elkarteetan? Galdera horiei eta beste batzuei erantzun nahi die, Otsailaren 2an eta 3an, Durangoko Landako Elkartegian antolatu dugun jardunaldiak (programa atxikiturik).

Horretarako, erakunde eta elkarte ezberdinetako hizlariak, martxan dauden esperientzia arrakastatsuak eta aurrera begirako estrategiak bilduko ditugu. Gurekin izango dira besteak beste arloa lantzen duten hainbat Euskaldunon Elkarte, Sorguneak taldeko kideak, Bertsozale Elkartea, EHZ Euskal Herria Zuzenean eta Irrien Lagunak proiektuko kideak.

Topagunetik, parte hartzera animatu nahi zaitugu!

OHARRAK:

* Sarrera doan izango da.

* Jardunaldian parte hartzeko, izen-emate fitxa bete behar duzu Urtarrilaren 27a baino lehen.

Informazio gehiago nahi izanez gero, Ttipi-Ttapak datuen irakurketa zabalgoa ere argitaratu du egunotan.

Prentsaurrekoan UEUko Zuzendariek hartu dute parte: Lore Erriondok, Xabier Isasik, Mikel Aizpuruk, Kepa Altonagak eta Martin Orbek. Etortzerik izan ez badute ere, UEUko gainontzeko Zuzendariek ere sinatu dute agiria: Karmele Artetxe, Inaki Irazabalbeitia, Aitzpea Leizaola eta Baleren Bakaikoa.

Azaroaren erdialdean jakin zuen UEUk partida kentzearen erabakiaren berri. Azaroaren bukaerarako enmendakin partzialak sartu zizkion UEUk 2012ko aurrekontuei. Bitartean, legebiltzarreko gehiengoaren babesa eta alderdi sozialistako zenbait kideena ere lortu zuen, UEUk euskal gizarteari 40 urte hauetan egindako ekarpenaren aitortza moduan. Hezkuntza mahaiko kideen babesa ere eskuratu genuen.

Abenduaren 13 eta 14an eztabaidatu ziren legebiltzarrean enmendakinak goian aipatutako babes guztiarekin. Alferrik izan zen. Hezkuntza Sailburuak ez zuen onartu partida murriztea (krisi garaia kontuan hartuta, eskatzen genuena), eta guztiz kendu zuen.

UEUk 1998an lortu zuen lehen aldiz Eusko Jaurlaritzako Hezkuntza Sailaren babes instituzioala, partida izenduna lortuz. Bi milioi pezetakin hasi zen laguntza garatuz joan zen UEUren aurrekontuetan partida esanguratsuenetarikoa bihurtu arte. Aurtengo kopurua, 177.840€-koa izan da. Azken batean, UEUren aurrekontu osoaren %25a suposatu du
azken urteetan.

Kuantitatiboki partida hau oso garrantzitsua da UEUrentzat, modu zuzenean jasotzen zenez, funtzioanamendu gastuentzat bideratzen zelako, eta ez proiektu jakinei lotua. Era honetan, egiturazko gastuak ordaintzeko erabili izan du UEUk, tartean, langileen soldatak.

Kualitatiboki ere garrantzi handiko partida izan da UEUrentzat, babes instituzioalaren adierazle izan den aldetik. Hots, Jaurlaritzak UEUri egiten zion aitortzaren adierazle.

Aitortza, babesa, egonkortasuna, iraunkortasuna zen UEUrentzat.
Partida hau kentzeak, proiektuen azterketa sakon bat egitera behartzeaz gain, egitura ukitzen du eta ezinbestean, langilegoa. Lanpostuen etete zuzena ekarriko du, murrizketak lanaldietan eta ERE bat martxan jartzea.

UEU Onura Publikoko izaera duen lukuru asmorik gabeko kultur elkartea da, zeinaren helburua euskara eta unibertsitate munduak gerturatzea den azken 40 urte hauetan. UEUk ekarpen handia egiten dio euskal gizarteari orokorrean eta unibertsitate-munduari zehazki. Hori frogatzen duen hainbat datu daude:

• Urtero goi-mailako 200 ikastaro, mintegi, jardunaldi eta etengabeko formazio antolatzen ditu. Bertan, 2.000 pertsonak parte hartzen dute.

• Urtero unibertsitate-mailako euskarazko 12 testu-liburu argitaratzen ditu, alor honetan aintzindaria eta erreferentzia delarik.

• IKTeetako hainbat proiektu jartzen ditu euskal gizartearen eskura:

  • Inguma.org. Euskal komunitate zientifikoaren datu-basea.

  • Unibertsitatea.net ataria. Unibertsitario euskaldunen topagunea.

  • Euskarazko software katalogoa.

  • Buruxkak.org. UEUren liburutegi digitala. Bertan, UEUren liburuak, aldizkariak, tesiak eta albisteak daude eskuragai.

  • Uztaro.com. Uztaro Giza eta Gizarte Zientzien aldizkariaren artikuluen erreferentzia eta artikuluak topatu daitezke.

• UEUk 1.100 bazkideen babesa du, proiektuari oinarria ematen diotenak.

Hau guzti honengatik, UEUk salatu nahi du partida izendun OSOA kentzea lotsagarria dela eta Hezkuntza Sailburuaren erabakia izanik, Jaurlaritzari hausnarketa egin dezan eskatzen diogu, partida mantendu dezan. Era berean, nahiz eta garai gogorrak izango diren, UEUk bere jarduera ez duela etengo adierazi nahi du, eta lanean jarraituko du inoiz baino gehiago bere bazkideen, instituzioen eta gainontzeko eragileen babesa lortzen, orain arte bezala, gizarteari ekarpenak egiten jarraitu dezan.

Hori dela eta, datu soziolinguistikoak eskutan hartuta, Topagunearen ordezkariek Nafarroako euskalgintzak garatzen duen lanaren garrantzia azalduko diote Parlamentuari, eta ondorioz ‘konplizitatea eta babesa’ eskatuko diete bertako taldeei, beste batzuetan egin den bezala elkarlanerako prestutasuna adieraziz. Zehazki, sei eskaera egingo dizkiote Parlamentuari:

• 2012. urtean hedabideetan euskara sustatzeko 650.000 euroko partida, Horietako %80 gutxienez banatu dadila euskara hutsez lan egiten duten hedabideen artean.
• Euskarazko hedabideetan Gobernuak publizitatea sartu dezala, hedabide horien sarbide eta banaketa kopuruaren arabera.
• 2102. urtean euskarazko kultur jarduerak sustatzeko 250.000 euroko partida eta hori erabili dadila soziolinguistikaren ikuspegitik lehentasun handiagoa duten lan lerroetan: haur eta gazteen aisialdian, mintzapraktika egitasmoetan, entitateak euskalduntzeko proiektuetan eta kultur produkzio zein programazioan.
• Neurri horiek izan daitezela lehenak euskarazko hedabideak eta erabilera sozio/kulturala sustatzeko lan egiten dugunen egoera egonkortzeko.
• Azaroan salatu genuenez, 2012rako aurrekontu proiektuak murrizketa onartezinak proposatzen ditu euskararekin lotutako partidatan. Hala, urterik onenean 300.000 euro izatera iritsi den euskara hedabideetan sustatzeko partida 2012an ZERO eurokoa izatea nahi du Foru Gobernuak, eta euskarazko kultur jarduerak sustatzekoa, berriz, HAMAR eurokoa.
• Horretarako 2012. urtean Gobernuak jar ditzala mahai gainean egokiak diren markoak eta lankidetza hitzarmen egonkorren bidez jaso ditzala.
Lankidetzarako erabateko prestutasuna azaldu, elkarren eskutik soilik egin ahal izango baitugu aurrera egin.

Zuen interesekoa izan daitekeelakoan, honekin batera erantsi dizuegu agerraldiaren eduki osoa biltzen duen dokumentua:

Agerraldia Nafarroako Parlamentuan, 2011-12-16 (164.38 kB)

Euskarazko hedabideek erakundeen konpromisoa behar dute

Bederatzi hilabete badira euskarazko hedabide ez publikook agerraldi publikoa eta kanpaina bateratua egin genituela, hiru helburu nagusirekin

1. Sektorearen estrategikotasuna eta beharra azpimarratzea. Komunikazioaren eta hizkuntz normalizazioaren ikuspegitik ez ezik, ekonomia ikuspegitik ere estrategikoa eta garrantzia handikoa den sektore bati buruz ari gara hitz egiten.
2. Erakunde publikoei sektorearekiko konpromiso handiagoa eskatzen zitzaien, publizitate-inbertsio, bestelako inbertsio eta laguntza handiagoak, gaurtik bertatik hasita.
3. Horretaz gain, sektoreak egoeraren analisia egin eta analisi horretatik abiatuta ildo nagusiak erakundeekin lantzen hasteko konpromisoa hartu zuen.

2012. urtea ate-joka dugu, eta erakundeetatik sektoreari begira jasotzen ari garen mezuak kezkagarriak dira, ikaratzeko modukoak.

1. 2012rako aurrekontu proposamenean jasota daudenak betetzen badira, Nafarroako Gobernuak euskarazko hedabideentzako zituen diru laguntzak ezerezean dira, 2012ko aurrekontuetatik erabat desagertuko da hedabideetan euskara sustatzeko diru partida. Gainera, 2011ko bigarren epealdiko laguntzak desagertzeko arriskua ere handia da.
2. Eusko Jaurlaritzak aurkeztutako aurrekontuak onartzen badira, erakunde horrek aurten baino 400.000 euro gutxiago bideratuko ditu 2012an hedabideen diru laguntzetara. Urteetan, Eusko Jaurlaritzaren aurrekontu orokorrak goraka joan direnean, euskalgintzara eta euskarazko hedabideetara bideratutako diru sailak ez dira handitu; orain, aurrekontuetan estutasunak sortu direnean, ez dago gupidarik: lehendik estu dabilen sektore bati are kalte handiagoa egiteko aukera zabalduko da.
3. Gipuzkoako Foru Aldundiak 2011ko diru sailari eustea aurreikusi du —aurreko bi urteetan asko jaitsi da diru sail hori, eta ez du handituko—. Bizkaiko Foru Aldundia da 2012rako bere aurrekontuetan diru saila handitzea aurreikusi duen bakarra —47.500 euro gehiago, %12ko igoera—.
4. Eta zer esanik ez Iparralderi buruz, non euskaldun hiztunen galera bizkorra (hizkuntza politika publiko baztertzailearen ondorioz) anbiziorik gabeko hizkuntza politika batekin paraleloan doan. Enpresa pribatuek euskarazko hedabide berriak sortzen dituzten bitartean, laguntza publikoak oraindik geldialdi berean mantentzen dira eta, aldi berean, botere publiko gehienek ez dituzte kontuan hartzen euskarazko hedabideak beren publizitate kanpaina ordainduetan.

Jakitun gara sektorearen etorkizuna gure lanaren baitan dagoela nagusiki. Guk geuk ere aztertu behar ditugula gure indargune eta ahuldadeak, sektorean elkarrekin jardunda errazagoa izango zaigula garai zail honi aurre egitea. Zeregin horretan ari gara hilabete hauetan eta laster batean gure hausnarketa instituzioetako arduradunekin partekatu ahal izango dugu. Baina argi dugu aurrera egiteko ezinbestekoa dugula erakunde publikoen laguntza handiagoa, eta hori ari gara aldarrikatzen une honetan.

Gaur egungo erakunde publikoen dinamikak ez du asko laguntzen bide horretan, eta ezin dugu isilik geratu ikusten dugunean euskarazko hedabideen sektoreak ez duela erakunde publikoen 2012ko aurrekontu proposamenetan behar eta merezi duen trataera jasoko, ustez denen begietara sektore ezinbesteko eta estrategikoa izan arren. Horregatik, erakundeei publikoki eskatzen diegu gaiaren garrantzia kontuan hartzeko eta aurrekontuak ahalik eta gehien egokitzeko, partidak handituz.

--------------------------------------------------

2011ko abenduaren 2an

Euskarazko hedabide ez publikoak

Ikus-entzunezkoen arloan euskal sortzaileen urteroko topagune bihurtu nahi luke IRUDIENEAk, Euskal Herrian euskaraz sortzen diren lanei leku eginez. Aurten gainera, Durangoko azokan kultura gonbidatua kultura galegoa da eta IRUDIENEAn sortzaile galiziarrek ere izango dute beren sormen lanak aurkezteko aukera.  Genero ezberdinek egingo dute agerpena eta aurten adibidez, bideo-klipek, film laburrek, fikzioak, animazioak, dokumentalek eta luzemetraiek presentzia izango dute IRUDIENEAren programazioan.

Asko eta askotarikoa da urtez urte euskaraz sortzen den materiala  eta IRUDIENEAk lagin txiki bat jasoko du, sortzen dena erakutsiko duen lagin txiki bat.

Bost oinarri nagusi izango ditu IRUDIENEAko programazioak:

• Euskaraz sortutako iraupen laburreko film eta ikus-entzunezkoak. Topaguneak urtero-urtero antolatzen duen Laburbira zirkuituan bezala, azken bi urtetan egondako euskarazko produkziotik zenbait ale  hautatu eta eskainiko dira. Sortutakoen artean, abenduaren 3an aurkeztuko diren bi film laburrek ere izango dute lekua, Benito Ansola beka jaso dutenak, hain zuzen ere. Emanaldi hauetako batzuen ondoren, sortzaileek bertaratutako ikus-entzuleen galderei erantzungo diete.
• Azken urtean sortutako bideo-klipak. Euskal musika taldeen azken lanak ezagutzeko aukera egongo da horrela.
• Euskarazko bestelako dokumental eta filmak. Bi emanaldi berezi egongo dira atal honetan: batetik, 2011n estreinatu diren euskarazko film luzeetako baten pase berezia egongo da, Bertsolari filmarena (Asier Altuna zuzendariak parte hartuko du ondorengo hizketaldian) eta, bestetik, Gotzon Elortza Getxotarrak 60. hamarkadan sortutako eta Euskadiko Filmategiak aurten zaharberritutako euskarazko lehen hiru dokumentalen emanaldia ere egongo da (egileak berak ondorengo solasalditxoan parte hartuko du).
• Euskal zinemagintzaren gaineko Zeluloidezko begiradak liburuaren aurkezpena. Mikel Garcia Idiakez liburuaren egileak eta zenbait euskal zinemagilek parte hartuko dute aurkezpena eta ondorengo mahai-inguruan (Jon Garaño, Juanba Berasategi, Telmo Esnal eta Asier Altuna).
• Galegozko ikus-entzunezkoen produkzioa. Azken bi urtetan sortutako film laburrak eta bideo-klipak izango dira ikusgai. Jatorrizko bertsioan eskainiko dira eta filmeak euskarazko azpidatziak izango dituzte. Era berean "Digna rabia" dokumentala ere aurkeztuko da, hainbat hizkuntzatan grabatu eta euskaraz azpidatzitako dokumentala, Francoren garaiko emakume galiziarrei buruzko dokumentala.

Oinarrizko programazioaz gain, euskarara itzulitako zenbait nazioarteko filmek eta Durangoko Azokan aurkezten diren zenbait ikus-entzunezko materialen aurkezpenek ere izango dute Irudienearen programazioan lekua. 

Artaldea (Asier Altuna, 2010)

EGITARAUA

Asteartea, abenduak 6.

10:00. Gunearen aurkezpena.

10:30. Lehen emanaldia: Benito Ansola BEKAK. 2011ko lanak.

• OHE AZPIKO ZERA, 2011, 10 mint. . ( David Zabala – Paul Urkijo )
• IZENA DUENA. 2011, 10 mint. ( Josefa Uberuaga)  Egileak berak aurkeztuko du.

11:00. INSTALACION. 2010, 14 mint. ( Xose Diaz) Galegoz, euskaraz azpidatzia.

11:30. MUSIKLIPAK. Bideo musikalak galegoz eta euskaraz, egileek aurkeztuak.

12:00 - 20:00 ZINEMA EUSKARAZ maratoia: MARMADUKE, PERCY JACKSON, ICE AGE3, A-TALDEA

Asteazkena, abenduak 7.

11:00. MUSIKLIPAK. Euskarazko bideo musikalen aukeraketa bat, egileek aurkeztua.GOSE, SPARTEENS,  YOGURINHA BOUROVA, ZEA MAYS, SUTAGAR, ESNE BELTZA,.....

12:00. LABURBIRA. Zortzi film laburren emanaldia eta solasaldia Telmo Esnal, Jon Garaño eta Koldo Almandoz zuzendariekin

• AMONA PUTZ (Telmo Esnal, 2009)
• AHATE PASA (Koldo Almandoz, 2009)
• ARTALDE (Asier Altuna, 2010)
• ONDAR AHOAK (Angel Aldarondo, 2010)
• HEMEN NAGO (Maialen Sarasua, 2010)
• LANBROA (Mikel Zatarain, 2010)
• ZEINEK GEHIAGO IRAUN (Gregorio Muro, 2011)
• URREZKO ERAZTUNA (Jon Garaño, 2011)

13:30. ZELULOIDEZKO BEGIRADAK ( Elkar, 2001) liburuaren aurkezpena.

• Mikel Garcia Idiakez egilea eta zenbait zine zuzendarirekin.

16:15. MUSIKLIPAK. Egileek aurkeztua.GOSE, SPARTEENS,  YOGURINHA BOUROVA, ZEA MAYS, SUTAGAR, ESNE BELTZA,.....

17:00. LABURBIRA. Emanaldia eta solasaldia Mikel Zatarain,Maialen Sarasua eta Angel Aldarondo zuzendariekin

18:30. “ BERTSOLARI” dokumentala. Asier Altuna zuzendariarekin.

Osteguna, abenduak 8.

11:00. Galiziako MUSIKLIPAK. Galegoz egindako bideo musikalak.

            FLUZO, UXIA, ATAQUEESCAMPE, SON DO GALPOM, LAMATUMBA, THE HOMENS,OS RESENTIDOS, KASTOMA, RUXERUXE, ALO IRMAO, MARFUL

12:00. GALIZIA LABURREAN. Galegoz egindako bost film labur.

• GATO ENCERRADO (Peque Varela, 2010)
• BIOGRAFIA DUN AUTOR DE TEBEOS (Marcos Nine, 2010)
• INSTALACION (Xose Diaz, 2010)
• ESTEREOSCOPIA (Xacio Baño, 2011)
• BIRDBOY (Alberto Vazquez - Pedro Rivero, 2011)

13:30. “ DIGNA RABIA” dokumentala. Euskaraz azpidatzia.

• Franco garaiko emakume galiziarren historiari buruzko dokumentala: espetxeak, heriotza, miseria, gosea, menpetasuna, kontzientzia politiko eta feminista, berdintasunaren aldeko borroka. Historia unibertsal bat.

16:30. EUSKARAZKO LEHEN DOKUMENTALAK. Gotzon Elortza egilearekin.

• EREAGATIK MATXITXAKORA ( 1959. 13 mint), ABERRIA ( 1961, 15 mint.)
• ELBURUA GERNIKA ( 1962, 26 mint.)

Bi lanok Benito Ansola Beken lehen edizioa irabazi eta launa mila euroko laguntza jaso dute garatu ahal izateko. Beka horiek Topagunea Euskara Elkarteen Federazioak sortu ditu, Lekeitioko Udalarekin eta Euskal Zine Bilerarekin lankidetzan eta Eusko Jaurlaritzaren zein Bizkaiko Foru Aldundiaren Gazteria Zuzendaritzen babesarekin.

Sortzaile euskaldunei lanak sortu eta zabaltzeko aukera emateko asmotan, Topaguneak hainbat egitasmo sortu ditu azken urteotan: Laburbira film labur zirkuitua, Kameratoia ikus-entzunezko rallya, aurtengo Durangoko Azokan estreinatuko den Irudienea egitasmoa eta iaz abiatu zen Benito Ansola beka. Horiekin guztiekin, euskarazko ikus-entzunezkoen sormenari lagundu nahi dio Topaguneak, beti ere euskara elkarteen mugimenduaren ikuspegitik, hots: sormen hori euskararen normalizazioan eragiteko tresna gisa ulertuta. Ekimen horien bidez, ikus-entzunezko lanak euskaraz sortzea eta lan horiek zabaltzea bultzatu nahi du Federazioak, baita esparru horretan diharduten lagunen arteko harreman sareak euskaraz ehuntzea.

Ingurumari horretan, Euskara Elkarteen Federazioak Benito Ansola Bekak sortu zituen 2010ean. Euskal Herriko 18-36 urte bitarteko gazteei zuzenduta daude, eta ikus-entzunezko lanak sortzen laguntzea dute helburu. Lehen edizioan 17 proiektu jaso genituen, batez ere Bizkaia eta Gipuzkoatik, genero guztietakoak: animazioa, drama, tragikomedia, fikzioa eta, batez ere, dokumentalak.

Gauzak horrela, epaimahaiak ez zuen erraza izan horien artean bi lan aukeratzea. Epaimahai hori hiru lagunek osatu zuten:

• Koldo Almandoz zuzendari eta errealizadore donostiarrak
• Vanesa Fernandez, EHUko Ikus-entzunezko Komunikazio eta Publizitate Saileko irakasleak
• Joseba Zuberogoitia, Lekeitioko Euskal Zine Bilerako antolatzaileak

Esan bezala, epaimahaiak aukeratutako bi lanek launa mila euroko laguntza jaso dute egitasmoa gauzatu ahal izateko, eta emaitzak, egia esan, ederrak izan dira. Ekoitzitako bi lanak abenduaren 3an estreinatuko dira, Lekeitioko Euskal Zine Bileraren itxiera galan. “Ohe azpiko zera” eta “Izena duena” dira haien izenburuak, eta jarraian duzue bakoitzaren inguruko fitxa labur bat.

OHE AZPIKO ZERA.

Egileak:
David Zabala eta Paul Urkijo.

Ezaugarriak:
Argumentuzko fikzioa, 13’.

Sinopsia:
Mattini galtzerdiak desagertu egiten zaizkio egun batetik bestera. Bere klasekideak barre egiten diote galtzerdirik ez duelako eta etxean errieta egiten diote galtzerdiak galtzeagatik. Egoera hau nork edo zerk eragiten duen argitu nahian Mattin bere beldurren aurka arituko da.

Trailerra:

ohe azpiko zera (teaser) from paneo360 on Vimeo.

IZENA DUENA.

Egilea: Joseba Uberuaga Natxiondo.

Ezaugarriak: Argumentuzko animazioa, 9’.

Sinopsia: Basajaunek gau osoa eman du ardiak zaintzen. Goizaldean, abiatzeko orduan, otsoak agertu dira!. Txistua jo du bordako artzainak ohartarazteko, baina ez dirudi konturatu direnik.

Trailerra:

Izena Duena aurrerapena from Joseba Uberuaga on Vimeo.

Diru-laguntza horiek beti egon dira gutxieneko mailatik oso behera, baina urteroko murrizketen azken kapitulua egin nahi dute Gobernuko arduradunek euskarazko hedabideek zuten babes urriegia guztiz desagertaraziz. Babes ekonomikorik ezari, gainera, errekonozimendu eza gehitu behar zaio: Nafarroako Gobernuak euskarazko hedabideak ikusezin bihurtzen ditu, ez ditu berdintasunean tratatzen ez informazioari dagokionean eta ezta publizitate euskarri moduan ere.

Bitartean, gaztelera eta gaztelerazko hedabideak babesteko neurriek bere horretan jarraitzen dute Nafarroako gobernuan. Iritzi interesatuak jasotzera ohituak gaituzte, euskara eta euskarazko hedabideak omen dira babesa jasotzen duten bakarrak, baina irakurketa errealak egiten hasteko garaia da:

• Nafarroan emititzen duten hiru telebista pribatuen artean 3.000.000 euro banatu izan ditu urtero-urtero azken urteetan: Canal 4, Canal 6 eta Popular televisión dira hiru telebista horiek. 2012 urteko aurrekontu proposamenean 2.450.000 euro aurreikusita daude aipatu hiru telebisten artean banatzeko. Bitartean, euskarazko hedabide guztien artean, urterik onenean 300.000 euro banatu izan dira eta 2012rako 0 euro banatzea aurreikusten da.
• Nafarroako Gobernuak (zuzenean edo bere entitate babestuen bidez) Nafarroan publizitate instituzionalean gastatzen duen publizitatearen %99 baino gehiago gaztelerazko medioetan gastatzen du. Euskarazko hedabideek ez dute publizitate euskarri moduan inolako aitorpenik, Nafarroako gizartearen zati handi batek ez du bere gobernuaren aitorpenik.
• Hedabideen aferaz haratago, Nafarroako Gobernuak hezkuntzan gaztelera zaintzeko saila sortzea ere esanguratsua da gobernu honek bere kudeaketa eremuan dituen bi hizkuntza ofizialen aurrean duen ikuspegia eta jarrera ulertzeko. Gaztelera babesteko neurriak euskara eta Nafarroako hiztun euskaldunok babesteko neurrien gainetik jartzen dira, batzuk desagertarazten diren artean besteak indartzen baitira.
• Nafarroako Gobernuak 1986. urtean onartu zuen Euskararen Legean Gobernuaren betebeharrak zehazten dira. Horrela dio legeak bere III. tituluan ( Komunikabide Sozialak):

1.  
   • 27. artikulua. 1. Administrazio Publikoek sustatuko dute euskararen mailaz mailako presentzia komunikabide sozial publiko eta pribatuetan. Horretarako eta komunikabideek euskara gero eta gehiago eta ohiko moduan erabil dezaten, Nafarroako Gobernuak diruz eta materialez laguntzeko planak gauzatuko ditu.

• Diru-laguntzen partida aurrekontutik desagertaraziz nola beteko du Gobernuak legeak esaten duena? Udalen eta herritarren bizkarretan hedabideak sustatzeko erantzukizun osoa utzita?

Nafarroako Gobernua politika egiteko dago, eta beraz hartzen dituen erabakiak politikoak dira. Baita euskarazko hedabideen diru laguntzen banaketa erabakitzen duenean, dudarik gabe. Kasu honetan, eta erabaki horien ondorioz, hedabideak ekonomikoki itolarrian utzi ditu. Kaltetuak, gurekin batera , Nafar herritarrok gara. Informazioa aukeratzen dugun hizkuntzan jasotzeko eskubidea eta aukera gero eta murritzagoa delako, euskaraz bizitzeko aukerak urritzen zaizkigulakoz hedabideok itoaraziz, eta azken batean euskaldunok gure lurraldean bigarren mailako herritarrak bilakatzen gaituelakoz. Ez ordea zergak pagatzerakoan. Hori guztia, gainera, euskara ofiziala den lurraldean.

Dudarik ez, Nafarroako aniztasuna eta pluraltasunaren kontrako norabidean dabil Gobernua, eta horrenbestez Nafarroa pobretzen du kulturalki.

Oraindik presente dugu 2008. urtean Parlamentuan onartu zen ebazpena, baita ere PSNren botoekin, non Nafarroako Gobernuari Parlamentuak gehiengoz exigitzen zion euskarazko hedabideen egoera egonkortzeko hitzarmen bat sina zezan. Jakina Gobernuak entzungor egin zion eskaerari, hori beharrean urtez urte diru partidak murriztu ditu. Orain Gobernuan UPN eta PSN daude, non geratu da PSNrentzako eskaera horiek?

Euskarabideari dagokionez, datorren urteko aurrekontu proposamena ikusita, edukiz guztiz hustuta dagoen erakundea dela ikusten dugu. Sortu zenetik aurrera, krisialdi ekonomikoaren kontestuan, urteroko joera izan da Euskarabidearen aurrekontuan presentzia zuten diru-laguntzen partidak murrizten joatea, batzuk guztiz desagertarazi arte. Edukiz hustuta dauden erakundeak zertarako behar ditugun galdetzen diogu gure buruari.

Bukatzeko, zenbait eskari luzatu nahi genizkieke nafar gizarteari eta nafarrok ordezkatzen gaituzten alderdi politikoei:

• Nafar gizarteari egoeraren larriaren kontzientzia hartzeko, erantzukizunez jokatzeko eta euskarazko hedabideak babesteko eskatzen diogu
• Nafarroako Gobernuan eta Parlamentuan dauden alderdiei eskatzen diegu 2012ko aurrekontuetan berrezarri dezatela hedabideetan euskara sustatzeko diru laguntza deialdia, eta ekonomikoki duina izan dadila, edo aurreko urteen parekoa gutxienez. Eta hori izan dadila lehendabiziko urratsa behar dugun hitzarmena sinatzeko.

Bestela, 2012ko aurrekontuak babesten duten alderdiek euskarazko hedabideen heriotza- zigorra sinatuko dute

Nafarroako Topaguneak prentsan aurkeztutako idatzi osoa, ondoko loturan aurkituko duzue.

• Ane Albizu Landa
• Ostaiska Gabiria Ellakuria
• Itxaso Antuñano Zeanuri
• Miren Bilbao Sarria
• Maider Uribe

Zorionak guztioi! Jarraian jarriko gara zuekin kontaktuan ikuskizunak aukera ditzazuen! ;)

Zorterik izan ez duzuenok, gogoratu oraindik aukera bat izan zenezaketela gure Twitter kontuaren bidez! Hona zer egin behar duzuen:

• Egin topagunearen jarraitzaile Twitterren
• Idatzi tuit bat #osterakerobia etiketa eta http://bit.ly/sfcIUM lotura sartuz
• Listo! Azaroaren 11an 11etan zozketatuko ditugu Kerobiaren akustikoa ikusteko bi lagunentzako bina sarrera!

Zorte on!

Eskarmentuak erakutsi digu halakoetan euskarari zuzendutako diru-sailak ez direla onik ateratzen. Iragarpena jakinarazi zenetik zenbaitetan Euskarabideara informazio eske jo genuen. Ez ziguten ezer erantzun. Edo bai, esleitutako diru-laguntza kobratzeko dokumentazioa aurkezteko epea aurreratu zutela.

Aste honetan iritsi da murrizketaren jakinarazpena. Maximino Gomez Serrano Euskarabideako zuzendari kudeatzaileak azaldu digunez, Nafarroako Gobernuak aurrekontuak “doitzeko” hartutako erabakiak “Euskararen gaineko programak komunikabideetan” kontu-sailari ere eragin dio. Euskarabideak jakinarazi duenez urriaren 31ra arte justifikatutako gastuak ordaintzeko adina diru badu, baina urteko azken bi hilabeteetarako aurreikusia zuen dirurik ez dago.

Euskarabideak esleitutako diru-laguntzak bi epetan ordaintzen ditu. Diru-laguntzaren erdia jakinarazpenarekin batera ematen du, eta beste erdia gastuak justifikatu ondoren. Bigarren ordainketa horretan eginen du murrizketa Euskarabideak. Honela:

• Beleixe irratia: %34ko murrizketa.
• Esan-Erran irratia: %37ko murrizketa.
• Guaixe aldizkaria: %20ko murrizketa.
• Mailope aldizkaria: %34ko murrizketa.
• Pulunpe aldizkaria: %37ko murrizketa.
• Ttipi-ttapa aldizkaria: %34ko murrizketa.
• Xorroxin irratia: %33ko murrizketa.

Murrizketa horiek guztiek, euskarazko hedabideok aurretik jasaten ari garen egoera ekonomiko larria areagotzen du. Hedabideok esleitutako diru kopuruak kontuan izanik egin ditugu urte guztiko aurreikuspenak. Orain, bat-batean, zati bat kentzea lehendik ahula den gure ekonomia-osasuna kolokan uzten du.

Gauza aski jakina da hedabideok ezinbesteko elementu bat garela euskararen ekosistema mantentzeko, indartzeko eta biziberritzeko. Euskarabideari eta haren arduradun politikoei hori ahalbideratzeko, babesteko lan egitea exijitzen diegu. Horregatik, esleitutako diru-laguntza bere osotasunean ematea exijitzen dugu. Aldi berean, sektoreko aktoreekin bildu, egoera aztertu eta etorkizunerako hitzarmen bat lantzea eskatzen dugu, Nafarroako Parlamentuak 2009an eskatu zuen moduan.

Nafarroako euskarazko hedabideak eta Topagunea

Udagoieneko Osteraren hamabigarren edizioa azaroaren 10ean abiatuko da, Katamalok Bilboko Kafe Antzokian eskainiko duen emanaldiarekin. Udagoieneko Ostera Topaguneak antolatzen du Bizkaiko Foru Aldundiaren eta BBKren laguntzaz, eta urtero-urtero euskarazko kultur produkzioa eramaten du Bizkaiko antzokietara.

Aurtengo programazioa sei emanaldik osatzen dute. Adi ibiliz gero, doako sarrerak lortzeko aukera izango duzue egunotan!

• KATAMALO: Katamaloa “erantzi” ondoren, publikoa gosez utzi zuen taldeak, eta hori dela eta, kontzertu bakan batzuk emateko itzuli da.
  (Azaroak 10, osteguna. Bilboko Kafe Antzokian 21:30ean). Sarrerak agortuta! Zozketan parte hartu nahi? ;)
  
  
• KEROBIA: Trilogia atera eta gero (Materia Organikoa, Papera eta Kartoia, Ontziak), kantu horien moldaketa akustikoa aurkeztera datozkigu “Nola jaiotzen diren aurrez zendutakoak” emanaldi intimistarekin.
  (Azaroak 11, ostirala. Urdulizko Kultur Etxean 22:00etan).
  
  
• MIKEL URDANGARIN: Estudioko zortzi disko argitaratu ondoren, ibilbide guztiko kantuak jasotzen dituen zuzeneko diskoa aurkeztuko du. Disko hori aurkezteko lehen kontzertua Udagoieneko Osteraren barruan egingo du.
  (Azaroak 18, ostirala. Balmasedako Klaret Antzokian 20:30ean).
  
  
• HOSTOAK: Oreka TX, Amaren Alabak eta Kukai dantza konpainiaren eskutik paregabeko emanaldia, punta-puntako euskal musikari eta dantzarien eskutik.
  (Azaroak 25, ostirala. Ermua Antzokian, 22:15ean).
  
  
• ETXE+LORELEI: Kantautore estiloko emanaldia, alde batetik Etxe, bere disko bietako lanekin, eta bestetik Lorelei, 11 urte ta gero Osteran agertuko dira berriro, beraien esanetan “bizirik” lurperatu baitzuten poesi musikatu proiektu hau.
  (Azaroak 26, larunbata. Getxoko Andres Isasi Musika Eskolan 22:00etan).
  
  
• TXAN MAGOA: Urteetako prestaketaren ondoren, emanaldi berria estreinatuko du Osteran, Ezer ez da dirudiena titulupean.
  (Azaroak 27, igandea. Barakaldo Antzokian 18:00etan).

Bost lagunentzako hiru emanaldirako sarreren zozketa

Twitter bidez ere, sarrerak lortzeko aukera

Twitter bidez jarraitzen gaituzuenok ere aukera izango duzue Osteraren hainbat emanalditarako sarrerak lortzeko. Hurrengo egunotan zabaltzen ditugun txioak arretaz irakurri zer egin behar duzuen jakiteko!

Nerabeak eta euskara

Nerabeen hizkuntza erabilera, euskararen normalizazioan dabiltzanen interesgune nabarmena da, gaur egun. Hezkuntza-sistemak euskararen ezagutza bermatzean bertatik igarotako belaunaldien bizimodua euskaraz garatuko zela aurreikusi zutenen ustea ez da bete, erabat behintzat. Herrian eta etxean euskararen presentzia esanguratsurik aurkitzen ez duten nerabeek euren arteko harremanetan eta, orokorrean, eskolaz kanpoko bizitzan, gaztelaniarako joera erakusten dute sarri.­

Horrez gain, garrantzitsua da aipatzea euskaraz dakien nerabearen profil soziolinguistikoa aldatu egin dela duela urte batzuetatik hona. Euskara bigarren hizkuntzatzat duten euskaldunen proportzioa gero eta altuagoa da. Era berean, hiri-inguruneetan bizi diren euskaldunak ere gero eta gehiago dira. Ezaugarri horiek aldatu diren moduan, euskara erabiltzeko motibazioetan ere bilakaera bat ematen ari dela antzeman daiteke.

Nerabeak eta sare sozialak

Interneteko sare sozialak, azken urteetan sarean agertutako fenomeno berrietako bat dira. Pertsonen arteko komunikaziorako erabilgarriak dira, harreman asko eskura edukitzea eta informazioa modu errazean trukatzea ahalbidetuz. Gaur egun 12 eta 18 urte artean dituzten nerabeen belaunaldia bete-betean harrapatu du interneteko sare sozialen orokortzeak. Euren arteko komunikaziorako tresna garrantzitsuenetakoa bihurtu da, argazkiak, mezuak, hitzorduak eta loturak bat-batean eta dohainik jende askori zabaltzeko aukera ematen dutelako.

Sare sozial hauek nerabe eta haurren artean izan duten arrakastaz oharturik, hainbat saiakera egin dira tresna hauek helburu batzuen mesedetan erabiltzeko. Esate baterako, facebook, tuenti edo twitter bidez produktu eta zerbitzuen publizitatea egiten da, hezkuntzarako baliabide bezala erabiltzen saiatzen dira edo herritarrak kazetari bilakatzera bideratzen dira.

Nerabeak, sare sozialak eta euskara

Soziolinguistika Klusterra eta Topagunea (Kultur Kabia enpresaren bidez) elkarlanean aritu gara gai hauen inguruan. Kultur Kabiak nerabeei zuzendutako hainbat aisialdi programa kudeatzen ditu. Programa hauetako bakoitzak bere ezaugarri bereizgarriak baditu ere, denetan erabiltzen dira interneteko sare sozialak nerabeen arteko harremanak eta nerabeek programaren arduradunekin dituztenak ahalbidetzeko. Interneteko sare sozialena fenomeno berria izanik eta adin-tarte jakin batzuetan duten arrakasta kontuan harturik, interesgarri ikusten da tresna hauei ematen zaien erabilera hobeto ezagutzea. Izan ere, aurrera begira euskara sustatzeko baliabide eraginkorra izan litezke, egoki erabiliz gero.

Hau guztia kontuan izanik, hurbilpen gisa balio dezakeen esperientzia bat burutu da ondorengo bi helburuekin:

• Batetik, aisialdi programetan sare sozialen bidez nerabeen euskararen erabileran eragitea
• Eta beste alde batetik, hizkuntza-portaeratan sare sozialen bidez eragiteko esku hartzeen baliagarritasuna aztertzea

Egitasmoaren ezaugarriak, emandako urratsak eta lortutako emaitzak, Soziolinguistika Klusterraren webgunean eta ondoko lotura honetan ere eskuragarri dagoen txostenean daude azalduta.

Tallers-en jardueran garrantzia handia du hizkuntza ohituren gaineko hausnarketak. Izan ere, erakundeak kudeatu eta eskaintzen ditu katalan hiztunei begira sortutako ondoko lau tailerrak:

   Taller d'educació per la llengua
   Taller per al foment dels usos interpersonals en llengua catalana
   TELP: taller d'espai lingüístic personal
   Taller d'acollida lingüística

Euskal Herrian ere, Katalunian ikasitako bidetik eskaintza ugari antolatu da azken urteotan, Tallers per la llenguaren esperientzia oinarritzat hartuta. Topaguneak tartean, Tallers-en eskaintza moldatuta Zergatik ez? izeneko tailerra eskaintzen ari da duela bi urtetik.

Hausnarketa saio oparo eta interesgarria izan zen, hainbat galderari erantzun nahi izan zitzaien eta. Aztergai izan ziren eskaintzen diren tailerren eraginkortasuna neurtzeko moduak, katalanaren gainean zabaltzen diren mezuen egokitasuna eta ohituretan eragiteko eredu interesgarriak, besteak beste.

Aurrerantzean, hausnarketa saio honetan eta etorkizunean egingo diren beste batzuetan agertutako ideiak eskaintzen diren ikastaro eta tailerretan txertatzea da bertaratuen asmoa.

Jardunaldiari buruzko bestelako kronika eta iritziak:

• Lan ta lan blogean (Emun): Penedesen hizkuntza ohituren inguruan hausnartzen
• Tallers per la llenguaren kronika: Èxit per a la I Jornada de reflexió
• David Vila i Ros: Parlant dels hàbits lingüístics
• Joan Abril Español: ¿Tenim mals hàbits lingüístics?

Funtzioa

• Topagunearen norabide eta helburuak zaindu eta euskara elkarteen sustapenerako erabakitako egitasmoak eta zerbitzuak bideratu eta koordinatuko ditu horretarako definitutako teknikari lanak aurrera eramanez.

Eginkizun zehatzak:

• Bazkideekin komunikazioa eta harremanak bideratzea
• Elkarteen arteko esperientzien elkartrukerako eta formaziorako ekintzak antolatzea
• Definitutako zerbitzu eta egitasmoak aurrera eramateko beharrezko diren gestio, koordinazio eta komunikazio lanak egitea.

Lan baldintzak

• Sei hilabeteko kontratua lan jardun osoz frogaldi gisa, luzatzeko aukerarekin.
• Lanlekua: Aoiz plaza 1, 3. (Euskararen Etxea) - Bilbo

Eskakizunak

• Euskara ondo menperatzea ahoz zein idatziz
• Euskara Elkarteak ezagutzea
• Harreman pertsonaletarako gaitasuna izatea
• Ekimeneko pertsona izatea
• Talde lanean aritzeko prestutasuna
• Informatikako oinarrizko ezagupenak
• Gidatzeko karneta eta autoa

Baloratuko da

• Euskara Elkarte bateko kide izatea
• Euskara Elkarte batean lanean aritua izatea, profesionalki edota boluntario gisa
• Soziolinguistikako onarrizko ezagupenak izatea
• Hizkuntza plangintza eta soziolinguistikari lotutako ikasketak izatea

 

 

Interesatuok, bidali curriculuma Topagunera urriaren 4a baino lehen:

Topagunea Euskara Elkarteen Federazioa

Arlozabal, 8 bis – 1C

48220 Abadiño

Posta elektronikoz: zuzendaritza[a bildua]topagunea[puntua]org

Noiz: Urriaren 6an, osteguna

Non: Matienako Kultur Etxean

Ordua: 9:30etatik 11:30etara aseguruen gaia

              12:00etatik 14:00etara lan arriskuen prebentzioaren gaia

Helburuak:

1.- Aseguruen inguruko hitzaldiaren helburua honakoak argitzea izango da:

- Erantzukizun zibileko aseguru bat zer den eta zer estaltzen duen

- Istripu asegurua zer den eta zer estaltzen duen

- Gureak bezalako elkarteek zein aseguru mota izan behar duten gutxieneko erantzukizunak aseguratuta edukitzeko.

- Zalantzak argitzea eta galderei erantzutea

2.- Lan arriskuen prebentzioaren legearen hitzaldiaren helburua honakoa argitzea izango da:

- Legeak esaten duenaren arabera zeintzuk diren elkarte batek lan arriskuen prebentzioaren eta osasun azterketen inguruan bete beharreko gutxienekoak

- Zelan egin daitekeen lan arriskuen prebentzio plan bat eta ze medio dauden horretarako

- Zalantzak argitzea eta galderei erantzutea

Emaleak:

1.- Aseguruen inguruko hitzaldia: Mikel Lasa aseguru etxeko teknikari bat (gazteleraz izango da)

2.- Lan arriskuen prebentzioaren inguruko hitzaldia: Mutualia mutuako teknikari bat

Izena emateko urriaren 3a baino lehen:

Bidali mezu bat administrazioa@topagunea.com helbidera honako datuekin:

Izena eta bi abizen

Elkartearen izena

Telefono zenbakia

Helbide elektronikoa

Edo deitu 94 621 41 15 telefonora eta galdetu Aitziber Urizarrengatik

Baranbioko BELAIKI, Laudioko BASALARRINA, Aiarako HOGEITALAU, Amurrioko ASPALTZA eta TOPAGUNEA Euskara Elkarteen Federazioak , hainbat kultur arlotako formatu txiki eta kalitate handiko ikuskizunak biltzen dituen AIARALDEKO KULTUR ZIRKUITU bateratua antolatu dute; ikuskizunak, datak eta antolakuntzaren zenbait kontu koordinatuta.

Lau elkarteen eta Topagunearen beraren helburu nagusia euskararen erabilera sustatzea da, eta hori lortzeko, besteak beste, adin eta zaletasun ezberdinetako euskaldunak asetzeko moduko kultur jarduerak antolatzen dituzte bakoitza bere eremuan. Oraingo honetan, ordea, bata eta bestearen emanaldiak uztartuz, ekimen bateratua garatu dute, duela bost urtetik urtero egiten duten bezala.

Formatu txikiko baina kalitate handiko kultur ekitaldiak antolatu eta koordinatuz, hiru helburu zehatz ditu eskualdeko zirkuituak:

-Eskualdeko euskarazko kultur dinamika eta eskaintza aberastea.

-Euskaldunei euskarazko kultur sorkuntza ezagutaraztea eta haren inguruan harreman sarea aberasteko aukera ematea.

-Eskaintza bateratua eratuz, emanaldiak elkarren aberasgarri izan, erreferentzialtasuna lortu eta ikusezintasuna gainditzea.

Egitarauari dagokionez, hainbat kultur arlotako zazpi emanaldik osatuko dute zirkuitua. Ondoko hauek, hain zuzen ere: