Liburuaren Nazioarteko Egunean hasita, eta ekainaren 30era arte, IRAKURRI, GOZATU ETA OPARITU egitasmoa jartzen du martxan Topaguneak, zenbait euskara elkarte eta udalekin batera. Irakurketa sustatzeko asmoz sortu den egitasmoa, Hego Euskal Herriko 24 herritan gauzatuko da 2013an, iaz baino 9 gehiagotan,  tokian tokiko euskara elkarteen, udal liburutegien eta liburu denden elkarlanari esker.

Kanpainaren izenak berak argi adierazten duenez, hiru pausu eman behar dira ekimenean parte hartzeko:

1. Irakurri
Lehenengo pausua irakurtzea da; euskaraz irakurtzea, hain zuzen ere. Herriko liburutegi publikora joan eta euskarazko edozein liburu maileguan hartzea besterik ez da egin behar. Kanpainak dirauen bitartean, euskarazko liburua hartzen duen bakoitzak orri-markatzaile bat jasoko du opari, ekimenean parte hartu zein ez.

2. Gozatu
Liburua irakurritakoan, liburutegira bueltatu, eta fitxa sinple-sinple bat bete beharko da: zein izan den irakurritako liburua, zer inpresio eman digun eta abar. Fitxa hori beteta, liburuzainak deskontu txartela emango digu, hitzartutako liburu dendan erabiltzeko.

3. Oparitu
Azken pausua liburua oparitzea da: lagun bati, senide bati, bihotzeko azukre koxkorrari edo, zergatik ez, norbere buruari. Liburutegian jasotako txartelarekin, %25eko deskontua izango dugu liburu dendan euskarazko beste edozein liburu erosterakoan, edo %50ekoa euskara elkarteko kidea izanez gero.

Egitasmoaren helburu nagusiak irakurzaletasuna bultzatzea, literaturarekin gozatzea eta gozaraztea dira, irakurtzeak eta oparitzeak (zein opariak jasotzeak) dakarten gozamenaren bidez.

Baina, bide batez, oso garrantzitsuak diren bestelako helburuak ere lortu nahi ditu Topaguneak ekimen honen bidez:

• Euskara elkarteetako bazkideak liburutegi publikoen erabiltzaile aktibo izateko gonbitea egitea
• Era askotako eragile publiko eta pribatuen elkarlana sustatzea, eta eragile horien guztien arteko harreman sarea euskaraz hedatzea
• Azkenik, ekimen honek ekarpena egin nahi dio euskarazko liburugintzari, liburuen ekoizpena eta salmenta bultzatuz.

Hasiera, Liburuaren Nazioarteko Egunean

˜Irakurri, Gozatu eta Oparitu"  egitasmoa apirilaren 23an hasten da urtero, Liburuaren Nazioarteko Egunean. Katalanek Diada de Sant Jordi delakoa ospatzen dute egun horretan, elkarri arrosak eta liburuak oparituz. Amaiera, berriz, ekainaren 30ean izaten da: izan ere, uda izaten da jendeak irakurtzeko denbora gehien duen tartea, eta ondorioz uda aurreko hilak oso egokiak dira  liburu trukea sustatzeko.

Esan bezala, 24 herrik hartu dute parte 2013ko edizioan, iaz baino hiru gehiagok:

Araban: Aramaio, Arratzua-Ubarrundia, Legutio, Urkabustaitz, Zigoitia, Zuia
Bizkaian: Derio, Ermua, Larrabetzu, Lezama, Mallabia, Portugalete, Sondika, Zamudio
Gipuzkoan: Ataun, Beasain, Lazkao, Mutriku, Ordizia, Zaldibia
Nafarroan: Gares, Lekunberri, Lizarra, Ultzama

Aurreko urteetan ikusi denez, kanpainak eragin positiboa du herritarrek liburutegi publikoan egiten duten euskarazko liburu mailegu erabileran. Era berean, ekimenak liburuen salmentan izaten duen eragina ere kontuan hartzekoa da.

Irakurri, gozatu eta oparitu ekimenaren bueltan bestelako literatur jarduerak ere antolatzen dira, hala nola solasaldiak idazleekin, liburu azokak, irakurketa musikatuak eta abar. Egitasmoak Eusko Jaurlaritza eta Araba, Bizkaia eta Gipuzkoako Aldundien babesaz gain, honako argitaletxeen laguntza jasotzen du: Alberdania, Erein, Elkar, Ibaizabal, Pamiela, Txalaparta eta Susa.

Informazio gehiagorako: manuel@topagunea.org

Programazioa:

Azaroaren 2an, ostirala. Elorrioko Arriola Antzokian, 22:00etan. Sarrera 8€

• ERRIMAK  OINETAN  :  Bertsolariek sentipen eta emozioak harilkatzen dituzte entzuleengan. Baina entzule horiek dantzariak balira? Nola adieraziko lukete belarrietatik jasotako zirrara errimatua oin puntetan menperatzen duten dantzaren bidez? Galdera horren erantzuna da “errimak oinetan”, bertsolaritza oinarri duen dantza emanaldia. Haatik dantza konpainiak jarri ditu oinak errimetan eta errimak oinetan. Dantza berriak, bertsoei jarriak.

Azaroaren 16an, ostirala. Zallako Zine Antzokian, 20:00etan. Sarrera 12€

• BENITO LERTXUNDI: Orioko bardoak udaberrian kaleratu zuen bere azken diskoa, "Oroimenaren oraina". Askatasuna, maitasuna, damua, heriotza... kantu bihurtutako galderak biltzen ditu Ez Dok Hamairuren sortzaileak bilduma honetan. Bere hitzetan, lan xumea da oraingoa, baina "gauza xume guztiak dira sakonak". Kantu horiek, eta betikoak, bere "Bizkaia maitean" izango ditugu azaroaren 16an.

Azaroaren 22an, osteguna. Bilboko Kafe Antzokian, 21:30ean. Sarrera 8€ aldez aurretik, 10€ egunean bertan

• BETAGARRI: Gasteizko musika taldeak 20 urte daramatza Euskal Herriko plazetan. Oraingoan disko berriarekin helduko da Bilboko Kafe Antzokira, "Zorion argiak" izenburupean, aurkeztu baino bi egun lehenago. 23 abesti, rock, ska eta reggae doinuekin. Diskoan zenbait gonbidaturen laguntza izan dute, Pirritx eta Porrotx, Mikel Urdagarin edo Garirena, esaterako. Sarrerak hemen.

Azaroaren 23an, ostirala. Igorreko Lasarte Aretoan, 20:00etan. Sarrera 6€

• LINGUA NABAJORUM: "Euskararen Historia bi Txoriburuk Kontatua" (Mikel Martinez, Patxo Telleria). Teoria liluragarri bat defenditzen dute: Herri honetan gertatu den gatazka bakoitzari hizkuntzaren aldaketa bat dagokio. Hasieran, gure Herria paradisu bat zen, non bikote bakar bat bizi zen. Mundu estatiko eta baketsua zen, eta nahikoa ziren onomatopeiak, inguruko animaliak eta agerraldi naturalak deskribatzeko. Semealaben etorrerarekin sortu zen Euskal Gatazka, orain arte iraun duen fenomenoa.

Azaroaren 24an, larunbata. Leioako Kultur Leioan, 21:00etan. Sarrera 10€

• RUPER ORDORIKA: "Hodeien azpian" eta sasien gainean, Ruper Ordorikak bere azken diskoa plazaratuko digu. Hitzen xalotasuna eta benetakotasuna, sinbolismotik eta soberazko lirismo edota nostalgiatik urrun; doinu, sonoritate eta kantaeraren giro egokia eta gardentasuna; poesia eta kantua, kantua eta poesia, sentsibilitate handiz eta indarrez, ederki uztartuak...

Azaroaren 30ean, ostirala. Muskizko Meatzari aretoan, 20:00etan. Sarrera 6€

• HIL ARTE BIZI: Antzezlan hau adiskidetasunaren mugen inguruan egiten den hausnarketa bat da. Nacho, Angel eta Maria. Bi gizon eta emakume bat eta jakina… gutxienez pare bat maitasun istorio. Hiru lagun, betiko lagunak, betirako lagunak… edo ez. Hil arte bizi heriotzaz hitz egiten duen komedia eta adiskidetasunaz jardungo den tragedia da. Bizitzeko gogoaz ari den tragikomedia. 

SARREREN SALMENTA:

BBKren orotariko kutxazainetan

Aretoetan bertan

SARRERAK AGORTUTA!

2009ko azaroan Durangoko Plateruena kafe antzokian eskaini zuten azken kontzertutik sarritan zirikatu dituzte Katamalo atondu zutenak ahaire haiek berriz taularatu zitzaten. Katamalo taldeko sortzaileak beste hainbat egitasmotan buru belarri aritu direlarik, orain arte ezinezkoa izan zaie emanaldirik ganoraz prestatzea. Azaroko biratxo honetan orduko doinuak zein berriak, orduko berbak zein hobeto pentsatutakoak konpartituko dituzte bihotz bakartien klubera hurreratzen direnekin, esker ona kantuen bidez adieraztea baino gauza ederragorik ez dagoelakoan.

BILBOKO KAFE ANTZOKIA

Azaroaren 10ean, eguena, 21:30ean

<<

Epilogo proiektua Kerobia musika taldetik jaiotzen den proposamen berria da. Ibilbide emankor baten ostean, kaleratutako lau albumek abala emanda, taldearen partaideek formatu intimo eta akustiko berri bati hasiera eman diote era paraleloan. Lan honetara bultzatu duen filosofiari eutsiz, kerobiaren zuzenekoaren intentsidade guztia eskeini nahi da espazio txiki batetan eszenaratze berezi batekin uztartuz. Atrezzo bildu eta emotibo batez lagunduta, Maite Gurrutxagaren ilustrazioen diapositibak proiekatuko dira. Iraganean proiektuaren eta Kerobiaren birsortutako kantaz gain, kaleratu gabeko batzuk ere eskeiniko dira. Era berean hiru istoria txiki kontatuko ditu taldeak entzulearekin solasaldi bat sortzeko helburuarekin. Epilogo-rentzako funtsezkoa bait da musika eta mezua era gordinenean helaraztea, jaiotzen diren bezelaxe, hausnarketa eremu bat sortu eta hiltzen uztea azkeneko aktoarekin bat?

URDULIZKO KULTUR ETXEA

Azaroaren 11n, barikua, 22:00etan

Sarrera: 8€

SARREREN SALMENTA:

BBKren orotariko kutxazainetan eta aretoan bertan

<<

"Zubia", bere azken diskoak,badu zerikusia aurrekoarekin, baina era berean, erabat desberdina. Bi diskoak daude ibai beraren alde banatara, baina behin zubia igarota ikusten dugun paisaia erabat bestelakoa da. "Zubia", ez da hainbeste istorioak kontatzen dituen diskoa. Istorioak baino, bertan areago daude sentsazioak, sentimenduak, egoera animikoak. "Zubia" hura gurutzatzera sekula ausartu ez ginen zubi hura da eta, behin igarota, betiko aldatuko gaituen zubia. Edadean sartuta haurtzaroko tokietara itzultzen garenean igaroko dugun zubi zaharra, horixe ere bai.

Zubia zerbait hauskorra da, zubia da aurrena botatzen dena gerra garaietan. Baina batzen gaituen hori ere zubia da, lotura beharrezkoa. Mikelen ahotsa bezala. Itxura batean hauskorra du boza Mikelek, baina guztiz beharrezkoa bilakatzen zaigu, munduarekin adiskidetzen gaituen zilbor-estea baita.

Kirmen Uribe

BALMASEDAKO KLARET ANTZOKIA

Azaroaren 18an, barikua, 20:30ean

Sarrera: 8€

SARREREN SALMENTA:

BBKren orotariko kutxazainetan eta aretoan bertan

<<

Zuzenekoan, dantzak musika eta kantuarekin partekatzen du eskenatokia, eta gainera, erronka zail bati heldu behar dio, bi adierazpen horiek beren mugak gaindi ditzatela lortu behar dutelako, mugimenduarekin eta koreografiekin bat eginik.

ERMUA ANTZOKIA

Azaroaren 25ean, barikua, 22:15etan

Sarrera: 12€

SARREREN SALMENTA:

BBKren orotariko kutxazainetan eta aretoan bertan

<<

GETXOKO ANDRES ISASI MUSIKA ESKOLA

Azaroaren 26an, zapatua, 22:00etan

Sarrera: 8€

SARREREN SALMENTA:

BBKren orotariko kutxazainetan eta aretoan bertan

Etxe kantariaren bigarren diskoak (Heldu eskutik) gure arreta harrapatu nahi du. Eskua luzatzen digu, gurekin egin nahi du bidaia. Norberak bestearen beharra nola sentitzen dugun adierazten digu. Horregatik, Etxe kantariak Heldu eskutik diskoa utzi digu esku artean. 2009ko uztaila, abuztua eta irailean zehar grabatu, nahastu eta masterizatu da Berrizko Estoldetan estudioan. Jon Olabarriaga izan da soinu teknikaria eta ekoizpen lanak Iñaki Elortzaren eta Etxeren artean egin dituzte. Bi laguntzaile ospetsu izan ditu diskoak: alde batetik, Roberto Mosok (Zarama) “Ametsak betetzen” abestian abestu du eta, bestetik, Anje Duhaldek “Lurralde bakarra” abestian ahotsak sartu ditu.

 Asier Serrano eta Mikel Gorosabel literatura eta musika uztartuko zituen Lorelei izeneko proiektuari bizia emateko batu ziren 90. hamarkadako erdialdean.“Bada hiri gorri bat” diskoa kaleratu zuten 1997an. Arrakastari jarraipena emango zion bigarren lana kaleratu zuten 1999an, “Tatuatu zenidan zerua” izenekoa. Mende berriarekin batera lurperatu zuten Lorelei hileta pribatu batean, ezkutuan eta misterioz inguratutako agurrean. 11 urteren ostean, Serrano eta Gorosabel guztia hasi zen lekuan zitatu ziren  aspaldiko galdera bati erantzuna emateko: “Lorelei lurperatu genuen, baina hilik edo bizirik?”. 2011 urtearen hondarrean Asier eta Mikel berriro ere bildu dira, Lorelei ederrenaren eskutik helduta, minaren eta oroimenaren kondairak birsortzeko desiraren kaleetan.

<<

Gauzak sentitzen edo ikusten ditugun bezala al dira?

Koloreak, zaporeak, usaiak... ingurua alegia. Gure errealitatea bakarra al da?

Magiak erakusten digu gauzak agian ez direla horrela.

Zorroztu zentzuak, ahaztu orain arte ikasitakoa eta prestatu bidai magiko bezain zoragarri baten partaide izateko.

Ausartu, zatoz gure mundura. Izan ere, magiaren erreinuan... ezer ez da dirudiena.

BARAKALDO ANTZOKIA

Azaroaren 27an, domeka, 18:00etan

Sarrera: 6€ 

Sarreren salmenta: BBKren orotariko kutxazainetan eta aretoan bertan

<< UDAGOIENEKO OSTERA 2011ren PROGRAMAZIOA

Topaguneko Zuzendaritza Batzordeko hiru kidek egindako aurkezpenean Euskaldunon Elkarteen Mugimenduaren historia eta egungo errealitatearen berri emateaz gain, mugimendu modura hurrengo urteetarako jarritako erronkak ere aurkeztu ziren, gizarte mugimendu izaeran sakondu nahia, transmisioan ahalegin berezia egiteko gogoa eta euskaldunok antolatzeko dugun beharra bereziki azpimarratuz.

Topagunea Euskara Elkarteen Federazioak Udagoieneko Ostera kultur zirkuituaren XII . edizioa jarri du abian. Zirkuitua sei emanaldik osatzen dute, eta haietako bakoitza Bizkaiko herri batean izango da azaroaren 10etik 27ra: Bilbo, Urduliz, Balmaseda, Ermua, Getxo eta Barakaldon. Udazkenero, astero Ostera hasten da!

Programazioa:

• KATAMALO: Katamaloa “erantzi” ondoren, publikoa gosez utzi zuen taldeak, eta hori dela eta, kontzertu bakan batzuk emateko itzuli da.
  (Azaroak 10, osteguna. Bilboko Kafe Antzokian 21:30ean).
  
  
• KEROBIA: Trilogia atera eta gero (Materia Organikoa, Papera eta Kartoia, Ontziak), kantu horien moldaketa akustikoa aurkeztera datozkigu “Nola jaiotzen diren aurrez zendutakoak” emanaldi intimistarekin.
  (Azaroak 11, ostirala. Urdulizko Kultur Etxean 22:00etan).
  
  
• MIKEL URDANGARIN: Estudioko zortzi disko argitaratu ondoren, ibilbide guztiko kantuak jasotzen dituen zuzeneko diskoa aurkeztuko du. Disko hori aurkezteko lehen kontzertua Udagoieneko Osteraren barruan egingo du.
  (Azaroak 18, ostirala. Balmasedako Klaret Antzokian 20:30ean).
  
  
• HOSTOAK: Oreka TX, Amaren Alabak eta Kukai dantza konpainiaren eskutik paregabeko emanaldia, punta-puntako euskal musikari eta dantzarien eskutik.
  (Azaroak 25, ostirala. Ermua Antzokian, 22:15ean).
  
  
• ETXE+LORELEI: Kantautore estiloko emanaldia, alde batetik Etxe, bere disko bietako lanekin, eta bestetik Lorelei, 11 urte ta gero Osteran agertuko dira berriro, beraien esanetan “bizirik” lurperatu baitzuten poesi musikatu proiektu hau.
  (Azaroak 26, larunbata. Getxoko Andres Isasi Musika Eskolan 22:00etan).
  
  
• TXAN MAGOA: Urteetako prestaketaren ondoren, emanaldi berria estreinatuko du Osteran, Ezer ez da dirudiena titulupean.
  (Azaroak 27, igandea. Barakaldo Antzokian 18:00etan).

Sarreren salmenta:

BBKren orotariko kutxazainetan

zein aretoan bertan

Euskarazkoa eta erakargarria, kalitatezkoa eta anitza, horiexek dira Udagoieneko Ostera kultur zirkuituaren ezaugarri nagusiak.

Topagunea Euskara Elkarteen Federazioak Udagoieneko Ostera kultur zirkuituaren XIII . edizioa jarri du abian. Zirkuitua sei emanaldik osatuko dute, eta haietako bakoitza Bizkaiko herri batean izango da, 2012ko azaroaren 2tik 30era: Elorrio, Zalla, Bilbo, Igorre, Leioa eta Muskizen.  Udazkenero, astero Ostera hasten da.

Sarreren salmenta:

BBKren orotariko kutxazainetan

zein aretoan bertan.

<< UDAGOIENEKO OSTERA 2012ren PROGRAMAZIOA

Hamabostean behin argitaratzen da, eta Euskara Elkarte guztiek jasotzen dute e-mail bidez. Elkarteontzat interesgarriak diren kontuak biltzen ditu, hala nola:

• Federazioko sailen jarduerak

• Elkarteek beraiek bidalitako albisteak

• Euskalgintzaren inguruko berriak

• Prestakuntza, diru-laguntzak, lehiaketak eta bestelako deialdiak

Interesa izanez gero, orain arte argitaratutako buletinak ere kontsulta daitezke, artxibo historikoaren bidez.

Elkarteek ez ezik, norbanako bazkideek zein honelako gaietan interesa dutenek ere jaso dezakete buletina.

Harpidetza egin zein desegiteko, ondoko formularioa betetzea baino ez dago:

Eskerrik asko harpidetzeagatik, zure helbidea ondo jaso dugu.

Jarraian, mezu bat jasoko duzu eman diguzun helbide horretan. Jarraitu bertan azaltzen diren pausuak zure harpidetza berresteko.

Laster arte!

Sartu duzun helbidea Postaberriren harpidedun da dagoeneko.

Nahi baduzu, beste helbideren batekin eman dezakezu izena.

Laster arte!

Zure harpidetza eten egin da. Aurrerantzean ez duzu buletin gehiagorik jasoko

Inoiz bueltatu nahi izanez gero, izena ematea baino ez duzu.

Laster arte!

Sartu duzun helbidea gustura ezabatuko genuke, baina ez da Postaberriren harpidedun. Ondo idatzi al duzu?

Nahi baduzu, beste helbideren batekin eman dezakezu izena.

Laster arte!

Sartu duzun helbidea ez da baleko e-mail helbide bat. Ondo idatzi al duzu?

Nahi baduzu, beste helbideren batekin saia zaitezke.

Laster arte!

Zorionak! Zure harpidetza behar bezala gauzatu da.

Aurrerantzean, hamabostean behin jasoko duzu Postaberri. Gogoratu harpidetza nahi duzun momentuan eten dezakezula.

Espero dugu buletina interesgarri suertatzea. Laster arte!

Haurrak adinaren arabera banatzen dira eta herri bakoitzean erritmo ezberdinetan garatzen joan den egitasmoa da, herri bakoitzaren behar eta baliabideen arabera. Egitasmoan sartu den herri bakoitzak gurekin kontrastatuta nondik hasi erabaki du: haurrekin ( 8- 12 urte) Larunblai egitasmoan  hasi ala gazteekin ( 12- 16 urte) Iseka egitasmoan, zonalde bakoitzeko beharren arabera, alegia. Beraz, Iruñeako Alde Zaharra, Aranguren, Berriozar eta Burlatan Larunblai taldea martxan jartzea erabaki genuen eta Uharten, gazteekin Iseka gazte taldea sortu. Gainera, aurki, beste herri batzuk ere bere interesa erakutsi dute.

3blai egitasmoa ulertzeko, Atarrabiako Karrikaluze elkartea aipatu behar da. Bederatzi urte dira, Karrikaluzek haur eta gazte programak kudeatzen dituela. Hasieran, gazteei zuzendutako Kuadrilategi egitasmoa sortu zen, gero Iseka izena hartuko zuena. Ondoren, Larunblai eta Jauzi sortu ziren, haurrentzako aisialdi egitasmoak eta azkenik, Formakuntza gaztetxoak hezitzaile munduan barneratzeko proiektua, 16-18 urte bitartean egiten dutena. Horiek erakutsi digute bidea haur eta gazteengana gozamenaren bidez iristeko. Gaur egun Karrikaluze elkartearen proiektuetan 101 bat haur eta gazte eta 10 hezitzaile aritzen dira larunbatero euskara mingainean dutelarik.

3blai egitasmoa elkarlanean sustatuko egitasmoa da. Topagunearekin batera egitasmoa ondoko euskara elkarteek jarri zuten martxan: Ametza, Karrikaluze, Karrikiri, Dindaia, Biltoki, Zaldiko Maldiko, Kima eta Zorroka euskara elkarteak. Egitasmoa abiatzea erabaki bezain laster jarri ziren elkarteok udaletako euskara zerbitzuekin harremanetan egitasmoa teknikoki hobetzeko eta finantziazio bideak jorratzeko asmoz.

Aranguren, Berriozar eta Burlatako udalen laguntza ekonomikoaz gain,  Udalbiltza / Udalbide elkarlan elkartearen babes ekonomikoa ere badu 3blai proiektuak, erakunde honekin sinatutako hitzarmenari esker. Udalbiltza/Udalbide azken bi urtetan egitasmoaren babesletzan lagun izan dugu. Horien guztiena da beraz 3blai. Kudeaketari dagokion ardura Topaguneak hartu zuen.

Babeslea: