Aitzakia tekniko berriak; arrazoiak, betikoak PDF Inprimatu E-posta
Data: 2009/06/19 Atala: Iritzia
(6 botoak)
Ez da lehenengo aldia Nafarroako Gobernuak Euskalerria Irratiaren kontrako jarrera agertzen duena, baina hala ere, harriduraz hartu ditugu aste honetan bertan ezagutu ditugun berriak. Harriduraz eta haserre. Iruñerriko hedabideen artean euskaldunon erreferentzia den irratiarekin Nafarroako Gobernuak izan duen injustizia historikoari jarraipena ematen ari zaio neurri honen bitartez. Oraingo honetan, aitzakia usain nabarmena duten erabaki tekniko eztabaidagarriak baliatzen ari dira Euskalerria Irratia bera eta, bide batez, Euskadi Irratia, Gaztea eta ETB mapatik ezabatzeko, Iruñerriko euskaldunak aukerarik gabe utziz. Ez da ulergarria eta, batez ere, ez da inolaz ere onargarria.

Harrituta gaudela diogu azken asteotan Euskarabideako ordezkariekin izan dugun harremanetan jaso dugun mezua beste bat izan delako, euskarazko hedabideekin elkarlanerako borondatea aurkeztu zaigulako. Horregatik harritu eta haserretu gaitu erabakiak.

Jakina da azken bi urteak oso gorabeheratsuak izan direla euskarazko hedabideentzat eta elkarteentzat Nafarroan (baita euskalgintzako beste erakundeentzat ere).  Azken bi urteetan Nafar Gobernuaren aurrekontuetan hedabideek eta euskara elkarteek jasandako kolpe latzak izan dira (gogoratu beharra dago hedabideentzako diru-laguntzen aurrekontuak %97ko murrizketa izan duela aurten eta euskarazko jarduerei zuzendutakoak %80koa, eta egoera horrek bere horretan jarraitzen duela oraindik); baina azken hilabeteetan bagenituen esperantzari atea zabaltzen zioten zenbait zantzu (esperantzara kondenatuak baikaude, Garik kantatzen duen moduan). Nafarroako parlamentuko Hezkuntza Batzordeak Gobernua hedabideekin hitzarmena adostera gonbidatu zuen 2008ko abenduaren 17an, eta Euskararen Nafar Kontseiluak ere egoerari aterabidea emateko eskaria egin du aurtengo ekainaren 3an egindako batzarrean.  Ondoren, euskarazko hedabideek azken hilabeteetan behin eta berriz eskatu duten modura, Euskarabidea eta hedabideon ordezkarien artean hasi gara harremanetan. Maiatzaren 29an izan da lehen bilera (ekainean izan du jarraipena harremanak) eta bertan Nafarroako Gobernuko Erakundeekiko Harremanetarako eta Gobernuaren Eledunaren Departamentuko Komunikabideen Zerbitzuko zuzendariak ere parte hartu zuen. Euskarabideak luzatutako lehen hitzarmen proposamenetik agertu da Nafarroarako euskarazko irrati eta telebista bermatzeko borondatea eta, horregatik, harritzekoa da orain hartutako erabakia. Nafarroako Gobernuko arduradunek tokiko hedabideen funtzio sozialaz eta hiritarrekin duten hurbiltasunaz hitz egiten duten bitartean (Nafarroako tokiko prentsaren lehen jardunaldian Alberto Catalanek adierazi moduan) Iruñerrian dagoen euskarazko irrati bakarra itxi nahiak ez dauka inongo justifikaziorik.

Euskalerria Irratia da orain, lehenago Ttipi-Ttapa telebistaren emisio etena izan zen. Arrazoiak ezberdinak, baina funtsean bi arazo berdin dira oinarrian: Nafarroako Gobernuaren euskararekiko eta euskaldunokiko jarrera eta irrati-telebistek emititzeko behar dituzten lizentziak ez emateko urtetan jarritako trabak. Jarrera horiek aldatzen ez diren artean erabaki tekniko modura edo nahi duten bezala aurkeztuko dute, baina aitzakia huts izango dira. Testuinguru horretan, Euskarabideari galdetu nahi diogu ea non geratzen den Gobernuaren izenean agertutako asmoa, egungo euskarazko hedabideen eginkizun eta  bizirauterako beharrezko diren laguntza eta babesa ziurtatzearen inguruan.

Euskalerria Irratiko lagunei besarkada bat bidaltzeko aprobetxatu nahi ditugu azken lerro hauek, nahi dutenerako ondoan izango gaituztela esateko.


Karmen Irizar
Topaguneko Zuzendaritza Batzordearen izenean

bildu zabaldu Del.icio.us; Google Technorati Facebook
Iruzkinak (5)
  • |80.24.214.xxx |2009-06-26 15:12:45 topagunea  - Euskalerria irratiaren oharra
    Euskalerria irratiak oharra jarri du bere webgunean, Nafarroako Gobernuaren
    erabakiaren gaineko bere iritzia emanez:

    http://www.euskalerriairratia.com
  • |58.247.134.xxx |2010-02-26 07:10:54 edhardy  - ed hardy
    Good post! Thanks for your information! ed hardy ChristianAudigier designers have KingofJeans "brand name" previously, ed hardy clothing Levi 's as such big brand designer, ed hardy swimwear then bought TATTOO DonEdHardy godfather, ed hardy hoodiesthe creation of patent DonEdHardy legend TATTOO art imported into the fashion
    element and street culture punk restoring ancient ways, ed hardy tops art and fashion TATTOO TATTOO. ed hardy t shirtsWhen the tattoo godfather met two masters, cowboy genius cooperation redefined
    "street fashion" (StreetFashion),ed hardy shoes bold to create competitive spirit of America's brand characteristics.christian audigier Ed paints dress often use some embroidery, ed hardy menswashing and splash-ink skill, builds a decadent debaucjed, combine the written
    by the master in camellia, ed hardy womens tiger, skeleton, devil, dagger and naked female tattoo pattern etc, ed hardy kidscreating a series of clothes. Another strong tas...
  • |117.26.202.xxx |2010-03-11 20:03:34 valentino handbags  - handbags balenciaga sale
    Regardless of the trend of the times and social fashion balenciaga handbags, people always can with noble quality, beyond time and society, walk oneself
    the ugg classic tallbootscorrect road. now, everybody to refrigerators, automobiles and houses and
    rush, chase, competition. this mulberry handbags is the characteristic of our age. but also have many people, they ghd hair straightener don't pursue these material things, they pursue and truth, the hermes handbags inner freedom and peace.
Iruzkina idatzi
Zure kontaktu datuak:
Iruzkina:
[b] [i] [u] [url] [quote] [code] [img]   
:angry::0:confused::cheer:B):evil::silly::dry::lol::kiss::D:pinch:
:(:shock::X:side::):P:unsure::woohoo::huh::whistle:;):s
Segurtasuna
Mesedez sar ezazu irudian agertzen den spamaren aurkako kodea.
 
 
Euskara Elkarteen Federazioa
Kontaktua | Mapa Web | Pribatutasun oharra