Iazko esperientziak izan zuen harrera onaren ondoren, gaur bertan aurkeztu da Iruñean BATBIRALAU, euskal kulturaren Nafarroako zirkuituaren bigarren edizioa. Zirkuituak formatu eta kalitate handiko lau emanaldi hurbilduko ditu Nafarroako lau herritara, publiko eta gustu ezberdinak asetzeko modukoak. Besteak beste, KEROBIA laukoteak hartuko du parte BATBIRALAUn, "Materia organikoa eta gainerakoak" bira ixteko kontzertu bereziarekin. Honako hau da BATBIRALAU 2008ren egutegi zehatza:

Azaroaren 29an, larunbata, 20:00etan, Artikako Kultur Etxean
KEROBIA. “Materia organikoa eta gainerakoak” lanaren azken kontzertua eskainiko du  Irun?eko laukoteak, zenbait gonbidatu bereziren laguntzaz

Abenduaren 5ean, ostirala, 18:00etan, Agoizko Kultur Etxean
TXAN MAGOAren ikuskizuna. Magoak “artxila, mortxila” hitz miragarriak esan eta, trikimailu artean, euskararen magia erakutsiko die ume zein gurasoei. 

Abenduaren 12an, ostirala, 20:30ean, Mutiloagoitin, Aranguren Ibarreko Kultur Etxean
TXALO PRODUKZIOAK: Gro?nholm Metodoa antzezlana. Multinazional batean, exekutibo plaza bat betetzeko azken lau hautagaiak gela batean bildu dituzte, hautaketa prozesuaren azken probak egiteko. Lehen ikusian kosta egiten da sinistea lanpostuari dagozkion probak direnik, hain dira absurduak.

Abenduaren 19an, ostirala, 20:30ean, Tafallako Kultur Etxean
PATXI ZUBIZARRETA, IBAN GARATE, MIKEL LOSADA, JOSERRA SENPERENA: “Mundua lo dagoen bitartean”. Patxi Zubizarreta idazleak zuzendutako performance honetan, ahotsak, musika, literatura eta irudiak uztartzen dira. Ikuskizun literarioa izateko jaio zen lan hau liburu
formatura ekarri eta egunotan aurkeztu du Txalaparta argitaletxeak.

Topagunea Euskara Elkarteen Federazioak, Bizkaiko Foru Aldundiaren eta BBKren laguntzaz, Udagoieneko Ostera kultur zirkuituaren bederatzigarren edizioa jarriko du martxan datorren larunbatean Sondikan.

Zirkuitua zortzi emanaldik osatuko dute, eta haietako bakoitza Bizkaiko herri batean izango da. Udagoieneko Osteraren bederatzigarren edizio honek Bizkaiko zortzi herri bisitatuko ditu: Sondika, Muskiz, Bilbo, Durango, Balmaseda, Basauri, Bermeo eta Leioa. Oso herri ezberdinak dira tamainaren zein egoera soziolinguistikoaren ikuspegitik, baina ekimenak erakutsi nahi du guztietan ere egin daitekeela euskarazko kultur eskaintza erakargarria.

Azken finean, aisialdia euskaraz gozatzeko aukera eskaini nahi du Udagoieneko Osterak, eta hori lortzeko, derrigorra da kalitateko eskaintza erakargarria egitea. “Horrekin batera, eskaintzaren izaera askotarikoa ere bereziki zaindu dugu programazioa osatzeko orduan, eta hori dela eta, gustu eta kultur adierazpide ezberdinak hartu ditugu kontuan”. Halaxe azaldu du Topagunearen Kultugintza saileko teknikariak, Manuel Morenok.

Bizkaiko Foru Aldundiko Euskara Sustatzeko Zuzendariak, Miren Dobaranek, Osteraren programazioaren izaera askotarikoa azpimarratu du. “Euskaraz ere baditugu gustu guztiak asetzeko moduko ikuskizunak, denak ere kalitate handikoak, eta Udagoieneko Osterak argi uzten du hori”.

Artistentzat ere haien lanak erakusteko primerako aukera da Udagoieneko Ostera. Guztira, hamaika musika eta antzerki talde jarriko ditu dantzan kultur zirkuituak, 50 artista baino gehiago: Xabi eta Fredi Paya, Onintza Enbeita, Uxue Alberdi eta Sustrai Colina bertsolariak Patxi Gallego marrazkilariarekin batera; Iban Garate, Aitziber Garmendia, Ana Elordi, Ane Zabala, Galder Perez, Jon Plazaola, Asier Hormaza, Ainhoa Aierbe eta Aitor Gabilondo aktoreak, Ama Say, Piztiak, Oreka TX eta Su ta Gar, Petti, Zura, Mikel Markez eta Seiren musika taldeak…
 
Udagoieneko Osteraren programazioa datorren larunbatean, azaroak 1,  hasiko da, Sondikan, eta abenduaren 5ean bukatuko da Leioan. Honako hauek izango dira emanaldiak:

     Portugaleteko Harribola, Santurtziko Bai Esan, Erandioko Berbots, Getxoko Bizarra Lepoan eta Barakaldoko Sasiburu Euskara Elkarteek, Topagunea Euskara Elkarteen Federazioarekin batera,  formatu txikiko kultur zirkuitua antolatu dute datozen asteotarako.

    Kultur Errotaren asmo nagusietako bat kultur eskaintza herrietara hurbiltzea da. Horretarako, ohiko eskaintzaz gain, eskualde zirkuituak ere antolatzen dira. Horrela, hurbil dauden euskara elkarteen kultur programazioa koordinatuz, eskaintza bateratua lortzen da, emanaldiak elkarren aberasgarri izan daitezen.

     Nerbioi-Ibaizabal Itsasadarreko zirkuituari dagokionez, bost emanaldik osatuko dute, era guztietako publiko eta gustuak asetzeko modukoak. Lakrikun, BIkoteatroa eta Ander Lipusen antzerki taldeak, Zu Kantari eta Koldo Amestoy ipuin kontalaria izango dira protagonista  urriaren 17an hasi eta azaroaren 10ean amaituko den zirkuituan. Egutegi zehatza, ondoko taulan ikus daiteke. 

 

 

 

• Musika
  • Igor Calzada
  • Urko Menaia
  • Zeren Zai
• Helduentzako antzerkia
  • Ander Lipus & Caravana: Hala mintzatu zan Zappatrusta
  • Kili-Kolo Antzerki Taldea: Klowntuz! Mendia!
  • Le Petit Theatre de Pain: Aulki hutsa
  • Le Petit Theatre de Pain: Juglarea, puta eta eroa
  • Zirika Zirkus: Nik egin beharko
• Haurrentzako antzerkia
  • Antzezkizuna taldea: Ipuin lapurra
  • Eidabe: Ametsen museoa
  • TTR Teatro: Salam
• Magia eta zirkoa
  • Panpin Panpox: Sol-La-Si-La-Tzen
  • Kiki eta Koko: Ni Natura naiz
  • Tor Magoa
  • Upo, Topotin eta Bartolina pailazoak
• Ipuin kontalariak
  • Josemari Carrere
• Literatura emanaldiak
  • L. Bilbao, M.A. Meabe, Y. Arrieta, E. Gabiola eta U. Laka: Esanen aduanan
  • M. Agirre: Zer gaineko Berlin
• Bidaia diaporamak
  • Alberto Iñurrategi: Begiz Begi
  • Bizibidaia: Euskal Herriko itzulia
  • Felipe Uriarte: Shesheren herrian
• Bestelakoak
  • Zu kantari

Eskaintza osoa ikusteko aukera dago Kultur Errotaren atalean