Liburu Egunarekin batera martxan jarri da Irakurri, Gozatu eta Oparitu kanpaina. Irakurzaletasuna bultzatzeko kanpainak Euskara Elkarteen, Udal Liburutegien eta liburudenden arteko elkarlana sustatu du irakurleak euskarazko liburuak aukeratzera animatzeko, eta horretarako erosketa txekeak eskaintzen dizkie uztailera bitartean liburutegi publikoetan euskarazko liburuak hartu eta irakurtzen dituzten guztiei. Euskal Herri osoko 16 Euskara Elkartek hartzen dute parte kanpainaren laugarren edizio honetan.